‘පරිසර පුරෝගාමී ජනාධිපති පදක්කම් ප්‍රදානෝත්සවය - 2025’ අද (21)
උදෑසන කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී ජනාධිපති අනුර කුමාර දිසානායක ගේ ප්‍රධානත්වයෙන් පැවැත්විණි.
මධ්‍යම පරිසර අධිකාරිය සහ අධ්‍යාපන අමාත්‍යාංශය එක්ව වාර්ෂිකව සංවිධානය කරනු ලබන මෙම උත්සවය, පරිසර සංරක්ෂණය සහ කළමනාකරණය පිළිබඳ විශිෂ්ට දැනුමක් ඇති සිසුන්ට ජනාධිපති පදක්කම් ප්‍රදානය කිරීමෙන් ඔවුන් ඇගයීමට ලක් කරයි.
