ශ්‍රී ලංකා ගමනාගමන මණ්ඩලය (SLTB) රියදුරන් සහ කොන්දොස්තරවරුන් කොන්ත්‍රාත්
පදනම මත බඳවා ගැනීම නිවේදනය කර ඇති අතර, ඒ සඳහා රට පුරා සුදුසුකම් ලත් පුද්ගලයින්ගෙන් අයදුම්පත් කැඳවනු ලැබේ.
රට පුරා ඩිපෝ 107 ක 25,000 කට අධික සේවක පිරිසකින් ක්‍රියාත්මක වන පොදු ප්‍රවාහන සේවය ශක්තිමත් කිරීම මෙම මුලපිරීමේ අරමුණ වී ඇත.
මේ සම්බන්ධයෙන් අද(18) පුවත්පත් දැන්වීමක් පළ විය.
ඒ අනුව, රියදුරු පුරප්පාඩු 450 ක් (පිරිමින් සඳහා 425 ක් සහ කාන්තාවන් සඳහා 25 ක්) සහ කොන්දොස්තර පුරප්පාඩු 300 ක් (පිරිමින් සඳහා 275 ක් සහ කාන්තාවන් සඳහා 25 ක්) පවතී.
අයදුම්පත් භාරගන්නා අවසාන දිනය 2025 ජූලි 31 වේ.
අයදුම් කරන තනතුර සහ අදාළ පළාත ලියුම් කවරයේ ඉහළ වම් කෙළවරේ පැහැදිලිව සඳහන් කළ යුතුය.
අයදුම්කරුවන් සම්මුඛ පරීක්ෂණයේදී තම පාසල් හැරයාමේ සහතිකයේ (ශිෂ්‍ය ප්‍රගති වාර්තාව) මුල් පිටපත සහ අනෙකුත් අධ්‍යාපන සහතික ඉදිරිපත් කළ යුතුය.
අසම්පූර්ණ හෝ අනුකූල නොවන අයදුම්පත් ප්‍රතික්ෂේප කරන බව ශ්‍රී ලංකා ගමනාගමන මණ්ඩලය අවධාරණය කරයි.
