මැදපෙරදිග විශාලතම ඇමරිකානු හමුදා කඳවුරක් වන කටාර්හි
අල් උඩෙයිඩ් ගුවන් කඳවුරේ ස්ථානගත කර ඇති ඇමරිකානු හමුදාවන්ට එල්ල වූ ප්‍රහාරයේ වගකීම ඉරානය භාරගෙන තිබේ.
මෙම නිවේදනය ඉරාන රාජ්‍ය රූපවාහිනියේ විකාශනය වූ අතර, සටන් සංගීතය සහ ප්‍රහාරය "ඇමරිකාවේ ආක්‍රමණයට ඉරාන සන්නද්ධ හමුදා විසින් දක්වන ලද ප්‍රබල හා සාර්ථක ප්‍රතිචාරයක්" ලෙස විස්තර කරන ශීර්ෂ පාඨයක් ද සමඟින් නිවේදනය කෙරිණි.
ටෙහෙරානයෙන් ඉහළ යන ආතතීන් සහ තර්ජන මධ්‍යයේ පූර්වාරක්ෂාවක් ලෙස කටාර් සිය ගුවන් කලාපය තාවකාලිකව වසා දැමීමට ගත් තීරණයෙන් පසුව මෙම ප්‍රහාරය වාර්තා විය.
ඉරාන න්‍යෂ්ටික මධ්‍යස්ථානවලට එල්ල කළ ඇමරිකානු ප්‍රහාරයකට ප්‍රතිචාර වශයෙන් ඉරානය දෝහාහි අල් උදෙයිද් ඇමරිකානු හමුදා කඳවුර ඉලක්ක කර ගැනීමෙන් පසු ජාත්‍යන්තර නීතියට අනුකූලව ප්‍රතිචාර දැක්වීමේ අයිතිය තමන් සතු බව කටාර් රාජ්‍යය පවසා ඇත.
ඒ අනුව සමතයකට පත්කරගත යුතුව තිබූ ඊශ්‍රායල් ඉරාන පලස්තීන යුද්ධය ගෝලීය යුද්ධයක් දක්වා අවතීර්ණ කිරීමට එක්සත් ජනපදය ඉරිදා සිදුකළ අත්තනෝමතික ප්‍රහාරය හේතුවී තිබේ.
