පළාත් පාලන ආයතන සඳහා වන මැතිවරණ නීතියට අනුව, පළාත් පාලන ආයතනයක
මුළු සාමාජිකත්වයෙන් සියයට 50ක් හෝ ඊට වැඩි ප්‍රමාණයක් හිමි දේශපාලන පක්ෂයකට එහි සාමාජිකයෙකු නගරාධිපති හෝ සභාපති ලෙස නම් කිරීමට අයිතියක් ඇත.
කිසිදු පක්ෂයකට බහුතරයක් නොලැබෙන්නේ නම්, අලුතින් පිහිටුවන ලද පළාත් පාලන ආයතනයේ පළමු රැස්වීම් දිනයේ පවත්වනු ලබන රහස් ඡන්දයකින් නගරාධිපති හෝ සභාපති තෝරා පත් කර ගත යුතුය.
ඉතිහාසය තුළ මෙම පත්වීම් වලදී ජයග්‍රාහී පක්ෂය අභිබවා යාමට විපක්ෂයේ පක්ෂ සන්ධාන පිහිටුවා ගත් අවස්ථා තිබේ, ඒ අනුව ඔවුන්ටම අදාළව බහුතරයක් නොතිබුණද එක්ව නගරාධිපති හෝ සභාපති ධුරය ලබා ගත්හ.
ලංකාවේ මෙවර පළාත් පාලන ආයතන ඡන්ද විමසීමේදී සියයට පනහට වඩා එක් පක්ෂයකට ගන්නට නොහැකි වූ අවස්ථා සහ විපක්ෂයේ මන්ත්‍රී අසුන් ප්‍රමාණය හා සම මට්ටමක පිහිටීම වැනි කාරණා නිසා රහස් ඡන්දයකට හෝ වෙනත් පුද්ගල හෝ පක්ෂ සහයෝගයන් ලබාගැනීමට වත්මන් පාලක ආණ්ඩුබලය හිමි ජාතික ජන බලවේගයට සිදුවනු ඇත.
