අපරාධ පරීක්ෂණ දෙපාර්තමේන්තුව (CID) කළ ඉල්ලීමකට අනුව, හිටපු අමාත්ය
බැසිල් රාජපක්ෂ ට එරෙහිව ජාත්යන්තර පොලිසිය (INTERPOL) විසින් 'නිල් නිවේදනයක්' (Blue Notice) නිකුත් කර ඇතැයි මහජන ආරක්ෂක අමාත්ය ආනන්ද විජේපාල පවසයි.
අමාත්යවරයා මේ බව සඳහන් කර ඇත්තේ 'ඩේලි මිරර්' (Daily Mirror) පුවත්පත වෙත අදහස් දක්වමිනි.
ශ්රී ලංකාව තුළ නීතිමය ක්රියාදාමයන්ට මුහුණ දෙමින් සිටියදී විදේශගතව සිටින හිටපු දේශපාලනඥයින් සහ අවශ්ය කරනු ලබන අනෙකුත් පුද්ගලයින් සොයා ගැනීම සඳහා රජය මේ වන විට ජාත්යන්තර නීති බලාත්මක කිරීමේ යාන්ත්රණයන් භාවිතා කරමින් සිටින බව අමාත්යවරයා එහිදී සඳහන් කළේය.
මාතර, බ්රවුන්ස් හිල් ප්රදේශයේ අක්කර 1.5ක ඉඩමක් රුපියල් මිලියන 60කට මිලදී ගැනීමේ සිද්ධියකට අදාළව බැසිල් රාජපක්ෂ ට එරෙහිව අධිකරණ ක්රියාමාර්ග ගෙන ඇත. පොලිස් මූල්ය අපරාධ විමර්ශන කොට්ඨාසය (FCID) විසින් ගොනු කර ඇති මෙම නඩුවට අදාළව ඔහු අවස්ථා කිහිපයකදීම අධිකරණයේ පෙනී සිටීම පැහැර හැර තිබුණි.
ඔහු වෛද්ය ප්රතිකාර සඳහා විදේශගතව සිටින බව නීතිඥයින් මින් පෙර අධිකරණයට දැනුම් දී තිබුණ ද, දිගින් දිගටම අධිකරණය මඟ හැරීම හේතුවෙන් පසුගිය ජූලි මාසයේදී මාතර ප්රධාන මහේස්ත්රාත් අධිකරණය විසින් ඔහුට එරෙහිව අත්අඩංගුවට ගැනීමේ වරෙන්තුව යළි නිකුත් කර ක්රියාත්මක කරන ලෙස නියෝග කරන ලදී.
මෙහිදී ජාත්යන්තර පොලිස් නිවේදන පිළිබඳව පැහැදිලි කළ අමාත්යවරයා පෙන්වා දුන්නේ, යම් සැකකරුවෙකුගේ නිශ්චිත විදේශ ලිපිනය හෝ පදිංචි රට දන්නා විට නිල් නිවේදනයක් නිකුත් කරන බවත්, සැඟවී සිටින සහ සිටින ස්ථානයක් නිශ්චිතව නොදන්නා පුද්ගලයින් සඳහා රතු නිවේදනයක් (Red Notice) නිකුත් කරන බවත්ය.
"බැසිල් රාජපක්ෂ වෙනුවෙන් මේ වන විට නිල් නිවේදනයක් නිකුත් කර තිබෙනවා. යම් විමර්ශනයක් සඳහා පුද්ගලයින් අවශ්ය වූ විට, අපි මේ හරහා ජාත්යන්තර පොලිසිය දැනුවත් කරනවා. ඔහු නිශ්චිත ස්ථානයක ජීවත් වන බවට ලිපිනයක් තිබෙනවා නම්, මෙම නිවේදනය හරහා අදාළ පුද්ගලයා මව් රටට අවශ්ය බව නිල වශයෙන් දන්වා සිටිනවා,"
යැයි අමාත්යවරයා පැවසීය.
අදාළ පුද්ගලයින්ගේ පෙර පැවති දේශපාලන තනතුරු කවරක් වුවද, අපරාධ සහ අල්ලස් නඩු සඳහා අවශ්ය කරන පුද්ගලයින් යළි මෙරටට ගෙන්වා ගැනීමට රජය අවශ්ය සියලුම නීතිමය සහ ජාත්යන්තර පියවර ගනිමින් සිටින බව අමාත්ය ආනන්ද විජේපාල වැඩිදුරටත් අවධාරණය කළේය.
]
#SamaaraP
