රාජිත එක වරක් නොව – දහ වරක් අත්අඩංගුවට ගත යුතුය
මට රාජිත සේනාරත්න පෙන්න්නට බෑ, එය නිසාය. (රවී කුමුදේශ්)
2015 වසරට පෙර, රු. 3.5 ලක්ෂ පමණ ගෙවා රෝගීන්ට හෘද ස්ටෙන්ට් මිලදී ගත යුතු විය.
නමුත් රාජිත සෞඛ්‍ය ඇමති වූ පසු, එම ස්ටෙන්ට් රෝගීන්ට නොමිලේ ලබා දුන්නා.
ඒවගේම, රාජිත ඇමති වීමට පෙර රෝගීන්ට අක්ෂිකාච එකක් ගන්න රු. 25,000ක් ගෙවිය යුතු වූ අතර, ඔහු ඇමති වූ පසු රෝගීන්ට නොමිලේ අක්ෂිකාච ලබා දුන්නා.
උපතින්ම බිහිරි දරුවෙකුට කර්ණ ශඛ බද්ධය නමැති ශල්‍යකර්මය කරවා ගැනීමට 2015 ට පෙර රු. 3.6 මිලියන (ලක්ෂ 36) වැය කරමින් විදේශ ගත විය යුතු විය.
නමුත් රාජිත ඇමතිකමට පසු එම ශල්‍යකර්මය ලංකාවේ පළමු වරට නොමිලේ ආරම්භ කරන ලදී. එමගින් 2020 වන විට ළමුන් 1200කට ජීවිතයේ පළමුවරට ශ්‍රවණය ලැබුණි.
පිළිකා රෝගීන්ට 2015 ට පෙර ආණ්ඩුවෙන් ඖෂධ සඳහා ගෙවූ උපරිම මුදල රු.15 ලක්ෂය. ඒ ඉක්මවා ගියොත් ඖෂධ නවත්වන්න වෙනවා. එහි තේරුම, රෝගියාට අත්වන්නේ මරණයයි.
නමුත් රාජිත 2015 දී සෞඛ්‍ය ඇමති වූ පසු සීමාවකින් තොරව පිළිකා ඖෂධ ලබා දීමට මුදල් වෙන් කළේය.
එමඟින් ලක්ෂ ගණනක් රෝගීන්ගේ ජීවිත බේරුණි.
එමෙන්ම, රාජිතගේ නියෝගය අනුව අත්‍යවශ්‍ය ඖෂධ 73ක මිල විශාල ලෙස අඩු කරනු ලැබීය.
රෝහල්වලට එන රෝගීන්ගේ රුධිර හා මුත්‍ර පරීක්ෂණ රෝහල්වලදීම නොමිලේ කරන ලෙස ඔහු නියෝග කළේය.
අද දක්වා එය ක්‍රියාත්මකය.
විශේෂඥ වෛද්‍යවරු රෝගීන්ගෙන් අය කරන ගාස්තු ද රාජිතගේ කාලයේ සීමා කළා.
මෙවැනි සේවාවන් රාජිත සෞඛ්‍ය සේවය නැංවීමට ගෙන ආ ගොඩක් උදාහරණ අතර කුඩා කොටසක් පමණි.
ඒ නිසාම, රාජිත සේනාරත්න – එක වරක් නොව, දහ වරක්වත් අත්අඩංගුවට ගත යුතුය.
@රවී කුමුදේශ්
