සංචාරක බලධාරීන් සමඟ බෙදාගත් වාර්තාවලට අනුව, සංචාරකයින් ලෙස මෙහි පැමිණෙන
සමහර ඊශ්‍රායල ජාතිකයින්, නැගෙනහිර පළාතේ ඇතැම් ප්‍රදේශවල පිහිටුවා ඇති ඔවුන්ගේ අනවසර ව්‍යාපාරික මධ්‍යස්ථානවල විවිධ වර්ගයේ මත්ද්‍රව්‍ය ජාවාරම් කිරීමට සම්බන්ධ වී සිටින බව ඩේලි මිරර් වාර්තාවක් මගින් සඳහන් කර තිබේ.
සංචාරක අංශයේ වර්ධනයන් පිළිබඳව ආරංචිමාර්ග මගින් කරගන්නා ලද අනාවරණයකට අනුව සමහර විදේශීය ජාතිකයන් රාත්‍රී සමාජශාලා සහ ආගන්තුක නිවාස වැනි ව්‍යාපාර ආරම්භ කර ඇති බව සඳහන්.
ආරංචිමාර්ග පවසන්නේ මෙම මධ්‍යස්ථාන ඔවුන්ගේ දේශීය හවුල්කරුවන්ගේ නම් යටතේ ක්‍රියාත්මක වන බවයි.
නීතිමය රෙගුලාසි මඟ හැරීම සඳහා ආවරණයක් ලෙස මේ සඳහා ප්‍රදේශවාසීන් ද සම්බන්ධ කරගෙන ඇත. නැගෙනහිර වෙරළ තීරයේ අම්පාර දිස්ත්‍රික්කයේ පොතුවිල් කොට්ඨාශයේ ආරුගම්බේ, උල්ල, කෝමාරි සහ පානම වැනි ප්‍රදේශවලින් මෙම සිදුවීම් වාර්තා වී ඇත.
මෙම විදේශිකයන් තම සේවාවන් අනෙකුත් සෙසු සංචාරකයින්ට ලබා දෙන අතර උපයන ආදායම උණ්ඩියල් වැනි නියාමනය නොකළ මුදල් හුවමාරු ක්‍රම හරහා නැවත මෙරටට ගෙන්වා ගනී. එහි ප්‍රතිඵලයක් ලෙස, ශ්‍රී ලංකාවට සංචාරක ව්‍යාපාරයෙන් නිසි ආදායමක් ලැබීම අහිමි වේ.
වට්ස්ඇප් සහ ෆේස්බුක් වැනි වේදිකාවල සංවෘත සමාජ මාධ්‍ය කණ්ඩායම් හරහා සංවිධානය වන සේවාදායකයින් සඳහා මෙම ස්ථානවල මත්ද්‍රව්‍ය අලෙවි කරන බවත්, එමඟින් මහජන ආරක්ෂාව සහ නීත්‍යනුකූල සංචාරක පිළිවෙත් ඛාදනය වීම පිළිබඳව කනස්සල්ල මතු වන බවත් එකී ආරංචිමාර්ග වැඩිදුටත් පවසයි.
මෙම ජාල ඩිජිටල් ලෙස ක්‍රියාත්මක වන අතර දැනටමත් සංචාරකයින් ලෙස ප්‍රදේශයේ සිටින සමීප ගනුදෙනුකරුවන් පිරිසකට සේවය කරන බැවින් අදාළ බලධාරීන්ට මෙම ජාල විසුරුවා හැරීම දුෂ්කර වී ඇත.
උණවටුන සහ වැලිගම වැනි සංචාරක ස්ථානවලින් නීති විරෝධී ලෙස ව්‍යාපාරවල නියැලී සිටින විදේශිකයන් පිළිබඳව ද වාර්තා වේ. ඔවුන් කුලී රථ සේවා පවා සපයන බව සඳහන්.
ශ්‍රී ලංකාවේ ආගමන නීතිය සංශෝධනය කිරීමේ අවශ්‍යතාවය මෙම තොරතුරු හරහා අවධාරණය කෙරෙන්නේ එය ප්‍රධාන වශයෙන් පාලනය වන්නේ ආගමන හා විගමන පනත සහ එහි පසුකාලීන සංශෝධන මගින් වන බැවින් රට තුළ සදාචාරාත්මක සංචාරක ව්‍යාපාරය සහතික කිරීම සඳහා වන බැවිනි.
මීට පෙර, ඊශ්‍රායල ජාතිකයන් කොළඹ, වැලිගම සහ ඇල්ල යන ප්‍රදේශවල යුදෙව් ආගමික මධ්‍යස්ථාන වන චබාද් නිවාස තුනක් පවා පවත්වාගෙන යන බව පාර්ලිමේන්තුවට දන්වන ලදී. ආගමික ආගමික ස්ථාන සම්බන්ධයෙන් කටයුතු කිරීමට ශ්‍රී ලංකා නීතියේ බුද්ධාගම, ඉස්ලාම්, ක්‍රිස්තියානි සහ හින්දු ආගමට අදාළ විධිවිධාන තිබෙන නමුත් යුදෙව් ආගමට එය අදාළ නොවේ. එහි ප්‍රතිඵලයක් ලෙස, බුද්ධශාසන, ආගමික හා සංස්කෘතික කටයුතු අමාත්‍යාංශයට රටේ යුදෙව් ආගමික ස්ථාන සමඟ සෘජුව කටයුතු කළ නොහැකි වී ඇත.
ජාත්‍යන්තර සබඳතාවන් හෝ වෙනත් හේතූන් මත ඊශ්‍රායල් සංචාරකයින්ට සම්බන්ධයෙන් රජය නිසි ක්‍රියාමාර්ග නොගැනීම නිසා පසුකාලීන විශාල අර්බූධයකට රට පත්වනු ඇති බවට බොහෝ විචාරක මතය වී තිබේ.
